Nuacht

FÓGRA I dTAOBH DRÉACHTBHUISÉAD BLIANTÚIL 2025

Is cúis ríméid ag Comhairle Cathrach na Gaillimhe seisear de bhaill foirne lán taithí na Comhairle a chur i láthair sa dara sraith den Phodchraoladh ‘Galway City – Your Council’.

Tá sraith nua den phodchraoladh ‘Galway City – Your Council’ ar ais!

Sa chéad eagrán den tsraith nua, cloistear ó Thiarnan McCusker, Oifigeach Ghníomhaíocht an Phobail i leith na hAeráide.

Tá Cathair na Gaillimhe páirteach i bhfeachtas ‘Slán Sábháilte’ d’fhonn iompar tairbheach agus meas ar dhaoine eile a chur chun cinn le linn taitneamh a bhaint as geilleagar na hoíche. Gairm chun gnímh atá san fheachtas ag cuairteoirí go Cathair na Gaillimhe agus ag muintir na cathrach féin taitneamh a bhaint as a mbíonn ar fáil tar éis a 6 i.n. i gcúrsaí amharclannaíochta agus spóirt, i dtithe tabhairne, i gcaiféanna, i bpictiúrlanna agus eile – an tráth céanna a mbíonn meas acu ar an timpeallacht agus ar a chéile.

Tá an mac tíre ar ais i mBaile Bán le múrphictiúr nua á fheistiú ann mar ghné de thogra pobail i Sruthán Mhuirlinne ar an mBaile Bán. Sheol an togra ag ócáid ar an 13 Samhain 2024. Tá dhá shaothar filíochta le feiceáil sa mhúrphictiúr féin, ceann le Irene Naughton, an t-ealaíontóir a shaothraigh an múrphictiúr, agus an dara ceann le hAilbhe Ní Ghearbhuigh, file a bhfuil gradaim buaite aici, arb é an mac tíre deireanach i gCoillte Mhuirlinne is téama dó. Is togra é seo ar chuir an Príomhúdarás Réigiúnach Forfheidhmiúcháin Dramhaíola airgead ar fáil lena aghaidh.

Galway City – Your Council: Eagráin Nua!

Tá cúig Ghradam mór le rá den Bhratach Ghlas bainte amach ag Comhairle Cathrach na Gaillimhe. Rannóg Oideachais Comhshaoil an Taisce a d’fhógair na gradaim inniu. Tugann Gradaim na Brataí Glaise aitheantas do na páirceanna agus na gairdíní poiblí is fearr in Éirinn. Bronnadh gradam ar Pháirc na gCúig Céad i mBóthar na Trá den chúigiú huair agus gradam arís eile, den séú bliain as a chéile go deimhin, ar Pháirc Leanaí na Mílaoise. Ghnóthaigh Páirc Uí Shúilleabháin i Muirbheach an Bhratach Ghlas den tríú huair. Cuireadh Páirc Uí Chinnéide ar an bhFaiche Mhór agus Páirc Foraoise Thír Oileáin leis an liosta páirceanna ar bronnadh gradam orthu i mbliana freisin, an chéad uair riamh a bhfuil an Bhratach Ghlas á bronnadh ar na páirceanna sin.

Tá Leabhar Comhbhróin in ómós do Bhilly Lawless, Saorfhear de chuid Chathair na Gaillimhe, oscailte i Halla na Cathrach i gComhairle Cathrach na Gaillimhe, inniu (Dé Luain, an 11 Samhain 2024). D’oscail a Onóir, Méara Chathair na Gaillimhe, an Comhairleoir Peter Keane, an leabhar a bheidh ar fáil don phobal le teachtaireachtaí comhbhróin a bhreacadh ann.

🌟 Fógra do na Grúpaí Pobail uilig ar an Taobh Thoir de Chathair na Gaillimhe! 🌟

Is cúis áthais do Chomhairle Cathrach na Gaillimhe, i gcomhar le Access for All Chathair na Gaillimhe, Fáilte Éireann, Comhpháirtíocht Chathair na Gaillimhe agus Cónaidhm na hÉireann um Míchumas, a fhógairt go bhfuil cúrsa oiliúna nua maidir le Feasacht ar Mhíchumas á sheoladh do ghnólachtaí a fheidhmíonn mar chuid de gheilleagar na hoíche sa chathair. Is gné seo de Phlean Gníomhaíochta Chomhairle Cathrach na Gaillimhe maidir le Geilleagar na hOíche 2024-2025 agus é de chuspóir leis timpeallacht níos soicheallaí a chruthú do dhaoine atá faoi mhíchumas ionas go gcinntítear gur féidir leis an uile dhuine taitneamh a bhaint as saol bríomhar na hoíche i nGaillimh. Is é an cúrsa oiliúna seo an chéad cheann i sraith cúrsaí atá dírithe ar chúrsaí áisiúlachta agus lánpháirtíochta a fheabhsú maidir le geilleagar na hoíche.