Cead Pháirceála Cúramóra
Cé atá i dteideal iarratas a dhéanamh ar chead páirceála cúramóra?
Féadfaidh duine óna dteastaíonn cúram ina dteach cónaithe, agus a chónaíonn i limistéar Íoc agus Taispeáin, iarratas a dhéanamh ar Chead Páirceála Cúramóra.
Féadfaidh an duine a thagann ar cuairt nó a fhanann leis an gcónaitheoir chun cúram laethúil leanúnach a thabhairt mar gheall ar thinneas leighis an cead a úsáid.
Bíonn sealbhóir an Cheada Cúramóra i dteideal páirceáil saor in aisce agus gan teorainn ama sa limistéar páirceála diosca a thugtar le fios ar an diosca.
Céard é an próiseas iarratais chun cead páirceála cúramóra a fháil?
An Próiseas Iarratais:
Íoslódáil agus comhlánaigh foirm iarratais i gcomhair cead páirceála cúramóra.
Ní mór gach cuid den fhoirm iarratais seo a líonadh go hiomlán mar aon leis na cáipéisí seo a leanas.
Ba cheart táille €10 a íoc leis an gComhairle tar éis go bhfaomhtar d’iarratas.
Ba cheart iarratais chomhlánaithe a sheoladh ar ais chuig:
An Rannán Tráchta,
Comhairle Cathrach na Gaillimhe,
Halla na Cathrach,
Bóthar an Choláiste,
Gaillimh
Bíonn Cead Páirceála Cúramóra bailí ar feadh bliain amháin.
Cén chaoi a ndéanfaidh mé athnuachan ar Chead Páirceála Cúramóra?
Íoslódáil agus comhlánaigh foirm iarratais i gcomhair cead páirceála cúramóra agus roghnaigh “Cead a Athnuachan”.
Ní mór gach cuid den fhoirm iarratais seo a líonadh mar aon leis na cáipéisí seo a leanas.
Caithfear an táille chun cead páirceála Cúramóra a athnuachan (€10) a íoc le
Comhairle Cathrach na Gaillimhe,
Halla na Cathrach,
Bóthar an Choláiste,
Gaillimh