Ceadúnais Pháirceála

Páirceáil Cónaitheora nó Cuairteora - Coinníollacha

  1. Is é an t-iarratasóir atá freagrach as cead páirceála bailí a thaispeáint, mar atá sonraithe sna Fodhlíthe um Rialú Páirceála.
  2.  In aon bhliain amháin, eiseoidh an Chomhairle, iar iarratas ó chónaitheoir, aon chead páirceála amháin in aghaidh an ghluaisteáin
    laistigh dá limistéar páirceála féin, faoi réir fianaise inghlactha arna cur ar fáil ag an gcónaitheoir.
  3. Beidh eisiúint ceadanna faoi rogha na Comhairle agus faoi réir uasmhéid de 4 chead in aghaidh an tí, 1 cheadúnas in aghaidh an
    árasáin i gceantair chónaithe agus i gceantair chónaithe láir agus 2 cheadúnas in aghaidh an árasáin i mbruachbhailte
    seanbhunaithe/seachtracha mar atá sainmhínithe sa Phlean Forbartha Cathrach. (Is féidir na criosanna a fheiceáil ar
    www.galwaycity.ie)
  4.  Is é sealbhóir an cheada páirceála agus eisean nó ise amháin a bheidh freagrach as athnuachan an cheadúnais pháirceála.
  5. Ní mór ceadúnas páirceála an chónaitheora a athnuachan laistigh den tréimhse athnuachana, is tréimhse a chríochnaíonn 28 lá
    tar éis dá dhul in éag. Déileálfar le hiarratas ar athnuachan ina dhiaidh sin mar iarratas nua, rud a d’fhéadfadh cur isteach ar
    incháilitheacht. Beidh fógraí um muirir sheasta arna n-eisiúint 28 lá tar éis dul in éag an cheada bailí.
  6. Má aistríonn tú ón seoladh thuas, nó má dhéanann tú d’fheithicil a dhiúscairt, ní bheidh do cheadúnas bailí a thuilleadh agus ní
    mór é a thabhairt ar ais chuig an gComhairle láithreach.
  7. Má dhéanann tú an feithicil lena mbaineann an cead a athsholáthar, ní mór duit an ceadúnas a thabhairt ar ais chuig an
    gComhairle agus iarratas a dhéanamh ar cheadúnas nua chun na doiciméid ábhartha a chur isteach i ndáil leis an bhfeithicil nua
    agus an táille iomchuí a íoc.
  8. Chun seoladh a athrú laistigh de limistéar cead páirceála cónaithe nó ó limistéar cead páirceála cónaithe amháin go ceann eile,
    féach foirm iarratais i ndáil le hAthrú Seoladh. Beidh cead arna eisiúint faoin bhFodhlí seo bailí ar fad a bhfuil fágtha den tréimhse
    a shonraítear sa chead bunaidh.
  9. Déanfaidh Comhairle Cathrach na Gaillimhe aon chead páirceála cónaitheora a chealú agus a aistarraingt, é sin nó diúltóidh sí an
    t-athnuachan má chruthaítear go bhfuil an cead faighte ag sealbhóir an cheadúnais mar gheall ar fhaisnéis nó doiciméid
    mhíchruinn a sholáthar.
  10. Tabhair do d’aire, i gcás réadmhaoin a ligtear ar cíos, nach mór an réadmhaoin a chlárú de réir Rialacháin na dTithe (Rialáil Tithe
    ar Cíos), 1996 agus an tAcht um Thionóntachtaí Cónaithe, 2004.
  11.  Ní thugann seilbh cead páirceála cónaitheora ráthaíocht don sealbhóir spás páirceála a bheith acu i gcónaí.
     Níl spásanna páirceála ar do shráid ináirithe. Is féidir le duine ar bith iad a úsáid. Áirítear leis seo sealbhóirí ticéad Íoc agus
    Taispeáin ar théarma seasta.
  12. Féadfaidh Comhairle Cathrach na Gaillimhe faisnéis bhreise a iarraidh maidir le húinéireacht na feithicle agus cruthúnas cónaitheachta
  13. Níl feithiclí a bhfuil ceadúnas tráchtála ag gabháil leo incháilithe chun Cead Páirceála Cónaithe a fháil.