Ceadúnais Pháirceála

1. Féadfaidh an Chomhairle Contae dhá cheann de cheadanna páirceála cúramóra ar a mhéad a eisiúint do bhall/bhaill teaghlaigh/duine/daoine ainmnithe/cúramóir(í) neamhchónaithe a ghníomhaíonn mar chúramóirí deonacha i gcás cónaitheora a bhfuil gnáthchónaí uirthi nó air i limistéar ticéadpháirceála agus a dteastaíonn cúram laethúil leanúnach uaithi/uaidh de bharr breoiteachta ainsealaí.

2. Is faoin iarrthóir a bheidh sé an cead bailí páirceála, mar a shonraítear é sna Fodhlíthe Rialaithe Páirceála, a chur ar taispeáint.

3. Beidh cead páirceála bhall/bhaill teaghlaigh/duine/daoine ainmnithe/cúramóir(í) neamhchónaithe bailí go ceann tréimhse bliana ón dáta eisiúna.

4. Eiseofar cead páirceála bhall/bhaill teaghlaigh/duine/daoine ainmnithe/cúramóir(í) neamhchónaithe maidir le limistéir cead páirceála cónaithe ina bhfuil gnátháit chónaithe an duine a dteastaíonn an cúram laethúil leanúnacha uaithi/uaidh agus crios amháin cóngarach dá shórt, faoi mar a bheadh.

5. Eiseofar ceadanna faoi rogha na Comhairle.

6. Is faoi shealbhóir an cheada pháirceála amháin, is é sin an cúramóir, a bheidh sé an cead páirceála a athnuachan.

7. Caithfear cead páirceála cúramóra a athnuachan laistigh den tréimhse athnuachana, a chríochnaíonn 28 lá i ndiaidh éag an cheada reatha. Caithfear le hiarratas ar athnuachan ina dhiaidh sin mar iarratas nua, rud a d’fhéadfadh difríocht a dhéanamh do cháilitheacht. Fógraí táillí seasta bailí a bheidh i bhfógraí táillí seasta a eiseofar 28 lá i ndiaidh éag an cheada bhailí.

8. Má chuireann tú feithicil in ionad na feithicle a mbaineann an cead léi, ní mór duit an cead a chur ar ais chuig an gComhairle agus cur isteach ar chead nua agus na doiciméid chuí don fheithicil nua a chur ar aghaidh agus an táille cuí a íoc.

9. I gcás go dtagann deireadh le cónaí an chónaitheora lena mbaineann an cead ag an seoladh sonraithe, le linn na tréimhse a mbaineann cead an chúramóra léi, caithfear an cead a chur ar ais chuig an gComhairle Cathrach láithreach.

10. Má thagann sé chun solais go bhfuarthas cead cúramóra mar thoradh ar eolas nó doiciméid mhíchruinne, cealóidh Comhairle Contae na Gaillimhe é, aistarraingeofar é nó ní athnuachfar é.

11. Iarrtar ort a thabhairt ar aird, i gcás maoine ar cíos, go gcaithfidh an mhaoin a bheith cláraithe de réir na Rialachán Tithíochta (Rialú Tithe ar Cíos), 1996 agus an Acht um Thionóntachtaí Cónaithe, 2004.

12. Ní chiallaíonn cead páirceála cúramóra a bheith i seilbh duine go mbeidh spás páirceála ag an sealbhóir an t-am ar fad ar an mbóthar/na bóithre lena mbaineann an cead páirceála.

13. Ní fhorchoimeádtar spásanna páirceála ar do shráidse. Is ceadmhach do dhuine ar bith iad a úsáid. Ina measc siúd tá sealbhóirí ticéad Íoc agus Taispeáin téarma socraithe.