Is cúis áthais do Chomhairle Cathrach na Gaillimhe, i gcomhar le ‘Access for All’ Chathair na Gaillimhe, Fáilte Éireann, Comhpháirtíocht Chathair na Gaillimhe agus Cónaidhm na hÉireann um Míchumas, a fhógairt go bhfuil cúrsa oiliúna nua maidir le Feasacht ar Mhíchumas á sheoladh do ghnólachtaí a fheidhmíonn mar chuid de gheilleagar na hoíche sa chathair. Is gné seo de Phlean Gníomhaíochta Chomhairle Cathrach na Gaillimhe maidir le Geilleagar na hOíche 2024-2025 agus é de chuspóir leis timpeallacht níos soicheallaí a chruthú do dhaoine atá faoi mhíchumas ionas go gcinntítear gur féidir leis an uile dhuine taitneamh a bhaint as saol bríomhar na hoíche i nGaillimh. Is é an cúrsa oiliúna seo an chéad cheann i sraith cúrsaí atá dírithe ar chúrsaí áisiúlachta agus lánpháirtíochta a fheabhsú maidir le geilleagar na hoíche.

Tá Comhairle Cathrach na Gaillimhe sásta leithdháiltí na bliana seo a fhógáirt den Scéim Deontas do Chlubanna Spóirt. Leithdháileadh €140,000 in iomlán ar 50 club éagsúla agus d’éirigh le 26 club an uasdeontas €3,500 a fháil.

Tionólfar cruinniú faire comharsanachta ar 30 Deireadh Fómhar. Tá sé eagraithe ag An Garda Síochana.