Gradaim an Mhéara 2026

Oibrithe Deonacha á gCeiliúradh ag Searmanas Bronnta Mhéara Chathair na Gaillimhe

Fógraíodh buaiteoirí Ghradaim Mhéara Chomhairle Cathrach na Gaillimhe.

Ag labhairt dó ag searmanas bronnta in Óstán Galmont Gaillimhe, dúirt Méara Chathair na Gaillimhe, an Comhairleoir Mike Cubbard gur díol mórtais do Chomhairle Cathrach na Gaillimhe onóir a thabhairt agus ceiliúradh a dhéanamh ar na daoine a chuireann a gcuid scileanna agus tuiscint ar fáil gan bheith ag súil le rud ar bith ar ais, agus a bhíonn ina n-eiseamláirí dúinn go léir. 

Ag labhairt dó faoi na buaiteoirí agus na hainmnithe ag na gradaim, dúirt an Méara Mike Cubbard:

"Tugann Gradaim an Mhéara deis dúinn díriú urraim a thabhairt do na daoine sin a rinne obair dheonach agus i bhfad níos mó ná sin. I mbliana, ar an triú bliain is fiche de na Gradaim, is mór an onóir agus an phribhléid dom, agus mé i mo Mhéara ar Ghaillimh, an ceiliúradh seo a óstáil chun aitheantas a thabhairt don mhéid dochreidte atá déanta ag na hoibrithe deonacha sa phobal." 

Chuir an Méara in iúl chomh maith go "léiríonn na hainmnithe go bhfuil an t-ádh ar chathair na Gaillimhe meitheal ghníomhach a bheith inti a thugann a gcuid ama agus fuinnimh gan staonadh chun áit níos fearr a dhéanamh dár gcathair do chách."

Ba mhaith le Comhairle Cathrach na Gaillimhe a fhios a bheith ag gach oibrí deonach go bhfuil a gcuid oibre déanta acu agus go ndéantar an obair dheonach a cheiliúradh as a luach bunúsach dár sochaí, rud a chabhraíonn le pobail bhríomhara, chuimsitheacha agus inbhuanaithe a fhorbairt.

Fuair os cionn 80 duine aonair agus grúpa, a ainmníodh i ngach catagóir, Teastas a dearadh ina n-aonar ón Méara mar aitheantas ar a ngníomhaíocht dheonach i saol an phobail ar fud na cathrach. 

Seo a leanas liosta na mbuaiteoirí sna catagóirí éagsúla.

Gradam Ealaíon, Cultúir, Oidhreachta agus Cúrsaí Gaeilge: 

Grúpaí Amhránaíochta Pobail Chomhpháirtíocht Chathair na Gaillimhe - as a ndúthracht agus a ndíograis an ceol a chur chun cinn i gcroílár an phobail. Is ceangal ríthábhachtach anois iad i dtaobh spás ionchuimsitheach agus tacaíochta a chur ar fáil do dhaoine ar fud na cathrach.

 

Gradam do Chónaitheoirí agus do Cheantair Áitiúla

Jenny O'Sullivan as a dúthracht gan stad féachaint leis an saol a fheabhsú do mhuintir na háite agus as an gcion eisceachtúil deonach a dhéanann sí ar mhaithe leis an bpobal. Cinntíonn an obair a dhéanann sí ar mhaithe leis an bpobal nach bhfágtar aon duine ar lár agus go bhfuil ionadaíocht á déanamh ar gach duine.

 

Gradam Aonair na Seirbhíse Pobail agus an Chuimsithe Shóisialta:

Joyce Mathias as a cuid abhcóideachta agus gníomhaíochtaí bailithe airgid do

charthanachtaí éagsúla agus as an ról atá aici i dtaobh lucht nua imirce a ghlacadh go 

fonnmhar agus iad a lánpháirtiú i nGaillimh.. 

 

Gradam na Seirbhíse Pobail agus an Chuimsithe Shóisialta (Grúpa):

Caifé Phobal an Bhóthair Mhóir, Ionad Lae Snipe as áit shábháilte a chur ar fáil d’aoisghrúpaí éagsúla chun teacht le chéile agus tacaíocht agus spreagadh a thabhairt do ghrúpa daoine atá faoi mhíchumas intleachtúil bunscileanna cócaireachta agus saoil a fhoghlaim

 

Gradam d'Oibrí Deonach Saoránach Sinsearach na Bliana

Ann King as an obair dheonach a rinne sí sa Galway Cheshire Home, áit a bhfuil sí i mbun na hoibre sin le blianta fad agus a bhfuil an-luach agus meas uirthi agus ar an obair atá déanta aici ann

 

Gradam Inbhuanaitheachta Comhshaoil:

Grúpa Pobail Stitch Together mar aitheantas ar an gcion deonach tairbheach a dhéanann siad chun áit ionchuimsitheach fháilteach a chur ar fáil inar féidir le daoine ó chúlraí éagsúla ceangal, foghlaim agus tacú lena chéile trí ghníomhaíochtaí cruthaitheacha. 

 

Gradam d'Oibrí Deonach Spóirt na Bliana:

Frances Daly mar aitheantas ar an tseirbhís iontach atá tugtha aici ina cóitseálaí snámha i Scoil Speisialta Naomh Seosamh agus a dílseacht feadh a saoil d’Oilimpicí Speisialta Éireann. 

 

Gradam Tacaíochta Leanaí agus Óige:

Club Youth Matters Club an Bhóthair Mhóir as áit shábháilte thacúil thaitneamhach a chur ar fáil do dhaoine óga sa bpobal inar féidir leo teacht le chéile, casadh le chéile agus tabhairt faoi ghníomhaíochtaí in éineacht.

.

Gradam d’Oibrí Deonach Óg na Bliana:

 

Latisha McCrudden mar aitheantas ar atá déanta aici chun an ceann is fearr a fháil ar na bacainní agus ar an streachailt a bhaineann le bheith i do bhall de phobal eitneach mionlaigh ar an imeall go dtí anois a bheith ag tabhairt faoin oideachas tríú leibhéal. Is ábhar inspioráide í don ghlúin a bheidh ag teacht ina diaidh

Bronnadh Gradam Oibrí Deonach na Bliana Chathair na Gaillimhe ar Ashleigh Butler a bhfuil a cuid ama, scileanna agus fuinnimh tugtha aici le blianta fada ag cuidiú le feachtais ríthábhachtacha charthanachta, go mór mór Ospís na Gaillimhe agus Aoibheann’s Pink Tie – Catharanacht Náisiúnta Ailse na Leanaí. Tá na mílte euro bailithe aici trí bhailiúcháin chruthaitheacha agus tionscnaimh pobail agus tá a lorg sin le brath go tairbheach agus go fadtéarmach ag daoine dá mbarr.

Bronnadh píosa álainn criostail, déanta ag Galway Crystal, ar na buaiteoirí. 

 

Céard iad Gradaim an Mhéara?

Tugann Gradaim an Mhéara deis aitheantas a thabhairt do dhaoine a dhéanann am agus iarracht chun áit níos fearr a dhéanamh dá bpobal. Tá aithne againn go léir ar dhaoine a fhaigheann am chun tacú lena gcomharsana, le grúpaí áitiúla agus lena bpobal ar bhealach an-suntasach in ainneoin a saol agus a sceideal thar a bheith gnóthach. Má tá duine aonair nó grúpa ann ar cheart aitheantas a fháil dó as a gcuid iarrachtaí, déan iad a ainmniú le do thoil.

Ba mhaith le Comhairle Cathrach na Gaillimhe a fhios a bheith ag gach oibrí deonach go bhfuil a gcuid oibre déanta acu agus go ndéantar an obair dheonach a cheiliúradh as a luach bunúsach dár sochaí, rud a chabhraíonn le pobail bhríomhara, chuimsitheacha agus inbhuanaithe a fhorbairt.

 

 

Cé atáthar in ann a ainmniú le haghaidh Ghradaim an Mhéara?

Cuireann Comhairle Cathrach na Gaillimhe fáilte roimh ainmniúcháin do dhaoine aonair nó do ghrúpaí a bhfuil baint acu le gníomhaíocht dheonach sa chathair i gceann de na catagóirí seo a leanas:

·        Gradam Ealaíon, Cultúir, Oidhreachta & Cúrsaí Gaeilge           

·        Gradam do Chónaitheoirí agus do Cheantair Áitiúla

·        Gradam na Seirbhíse Pobail agus an Chuimsithe Shóisialta

·        Gradam d'Oibrí Deonach Saoránach Sinsearach na Bliana

·        Gradam Inbhuanaitheachta Comhshaoil

·        Gradam d'Oibrí Deonach Spóirt na Bliana

·        Gradam Tacaíochta Leanaí agus Óige

·        Gradam d’Oibrí Deonach Óg na Bliana     

·        Gradam d'Oibrí Deonach na Bliana Comhairle Cathrach na Gaillimhe

 

Cén chaoi a n-ainmneoidh mé duine éigin?

Dúnta.

 

Cén uair a bhíonn siad ar siúl?

Beidh searmanas bronnta na nGradam ar siúl tráthnóna Chéadaoin, 29th Aibreán 2026 in Óstán Galmont, Lough Atalia, Gaillimh, agus mar i gcónaí is dócha gur oíche iontach do chách a bheidh ann.

 

Céard a fhaigheann na buaiteoirí? 

Bronnfar bronntanas cuimhneacháin agus sparánacht €500 ar na buaiteoirí lena n-úsáid i dtreo a gcuid oibre deonaí. Bronnfar Teastas Méara atá deartha go haonarach ag Searmanas na nGradam ar gach ainmnithe a bheidh ar siúl Chéadaoin, 29th Aibreán 2026 in Óstán Galmont, Lough Atalia, Gaillimh

Chun tuilleadh eolais a fháil faoi Ghradaim an Mhéara, seol ríomhphost chuig mayorsawards@galwaycity.ie nó cuir glaoch ar 091 91 536 358/ 091 536 311