Coiste um Fhorbairt Pobail Áitiúil

Céard é an Coiste um Fhorbairt Pobail Áitiúil?

Local Community Development Committee Logo

Is coiste é an Coiste um Fhorbairt Pobail Áitiúil (CFPÁ) ar a bhfuil ionadaithe ón earnáil rialtais áitiúil agus ón earnáil forbartha pobail, ina measc forais phoiblí agus ionadaithe atá ag plé le leasanna sóisialta, eacnamaíochta, comhshaoil agus pobail.

Is é cuspóir an CFPÁ cur chuige comhtháite i leith forbartha áitiúla agus pobail a fhorbairt, a chomhordnú agus a chur i bhfeidhm. Tá 15 bhall ar CFPÁ Chathair na Gaillimhe agus bunaíodh é sa bhliain 2014. Is í An Comh. Helen Ogbu, Cathair na Gaillimhe Thoir, cathaoirleach CFPÁ Chathair na Gaillimhe.

Cad iad feidhmeanna an CFPÁ?

Is iad seo a leanas príomhfheidhmeanna an CFPÁ:

Gné an phobail de Phlean Áitiúil Eacnamaíochta agus Pobail Chathair na Gaillimhe 2015-2021 a ullmhú agus a chur i bhfeidhm
Cur chuige is comhleantaí a chur i bhfeidhm maidir le gníomhartha forbartha áitiúla agus pobail sa Chathair
Comhordú agus monatóireacht a dhéanamh ar an gClár Gníomhaíochtaithe Ionchuimsithe Shóisialta agus Pobail

Cé hiad baill an CFPÁ?

Document Liosta na Baill.pdf (PDF, 123.28KB)

Cá háit inar féidir liom theacht ar Chláir Oibre le haghaidh Cruinnithe an CFP?

Féach ar chláir oibre agus miontuairiscí ag bun an leathanaigh seo

Cá háit inar féidir liom theacht ar mhiontuairiscí Cruinnithe den CFPÁ?

Féach ar chláir oibre agus miontuairiscí ag bun an leathanaigh seo

Cad iad na Téarmaí Tagartha don CFPÁ?

Document Téarmaí Tagartha.pdf (PDF, 120.91KB)

Tuarascáil Bhliantúil 2023

Cad é An Clár um Chuimsiú Sóisialta agus Gníomhachtú Pobail (SICAP) 2024 – 2028?

Cuireann an Clár um Chuimsiú Sóisialta agus Gníomhachtú Pobail (SICAP) 2024-2028 maoiniú ar fáil chun dul i ngleic le bochtaineacht agus eisiamh sóisialta ar leibhéal áitiúil trí rannpháirtíocht agus comhpháirtíochtaí áitiúla idir daoine faoi mhíbhuntáiste, eagraíochtaí pobail agus gníomhaireachtaí san earnáil phoiblí.

Is clár spriocdhírithe iomlánaíoch é SICAP dóibh siúd is mó atá faoi mhíbhuntáiste agus ar lú an seans go mbeidh rochtain acu ar sheirbhísí príomhshrutha, a sholáthraíonn tacaíochtaí go díreach do thairbhithe agus a nascann iad le seirbhísí atá ann cheana féin. Is clár ilghnéitheach é a chuireann tacaíochtaí ar fáil chun freagairt do riachtanais an duine aonair agus an phobail, a bhfuil sé mar aidhm aige a chinntiú go bhfaigheann tairbhithe tacaíochtaí ardchaighdeáin saincheaptha, agus solúbthacht a cheadú ag an am céanna chun gníomhaíochtaí a chur in oiriúint do riachtanas áitiúil. Cumasaíonn sé cineálacha cur chuige ón mbun aníos faoi chuimsiú cláir náisiúnta lena soláthraítear spriocanna, táscairí feidhmíochta agus ceanglais.

Cé a bhainistíonn SICAP?

Tá an clár á bhainistiú ag leibhéal áitiúil ag 33 Coiste Forbartha Pobail Áitiúil, le tacaíocht ó údaráis áitiúla, agus cuireann Clárfheidhmeoirí (PInna) gníomhaíochtaí ar fáil.

Téann Clárfheidhmeoirí (PInna) i dteagmháil le pobail imeallaithe agus le soláthraithe seirbhíse trí úsáid a bhaint as cur chuige forbartha pobail chun aghaidh a thabhairt ar shaincheisteanna a bhaineann le heisiamh sóisialta agus éagothroime. Tugann SICAP tús áite freisin do rannpháirtíocht agus comhpháirtíochtaí áitiúla, idir Feidhmitheoirí Clár SICAP, daoine faoi mhíbhuntáiste, eagraíochtaí pobail agus gníomhaireachtaí san earnáil phoiblí.

Bronnadh an conradh ar Chomhpháirtíocht Chathair na Gaillimhe i gCathair na Gaillimhe chun an clár SICAP 2024-2028 a sheachadadh.

Cé a mhaoiníonn SICAP?

Arna riar ag Pobal, tá SICAP 2024-2028 cómhaoinithe ag Rialtas na hÉireann, tríd an Roinn Forbartha Tuaithe agus Pobail, agus Ciste Sóisialta na hEorpa Plus faoin gClár Fostaíochta, Cuimsithe, Scileanna agus Oiliúna (EIST) 2021-2027.

Cé leis ar féidir liom teagmháil a dhéanamh faoi SICAP?

Chun tuilleadh faisnéise a fháil faoin gclár agus faoi na tacaíochtaí agus na seirbhísí atá ar fáil, féach www.gcp.ie nó déan teagmháil ag 091773466/ ríomhphost chuig info@gcp.ie