Céard é an Íocaíocht Cúnaimh Tithíochta?
Is tacaíocht tithíochta sóisialta í an Íocaíocht Cúnaimh Tithíochta (ÍCT). Tiocfaidh ÍCT in áit Forlíonadh Cíosa dóibh siúd a bhfuil riachtanas tithíochta fadtéarmach acu. Beidh forlíonadh cíosa gearrthéarmach fós á bhainistiú ag an Roinn Coimirce Sóisialaí.
An bhfuil mé i dteideal cur isteach ar Íocaíocht Cúnaimh Tithíochta?
Caithfidh duine bheith ina iarratasóir cáilithe tithíochta sular féidir leis/léi cur isteach ar ÍCT. Caithfidh iarratas tithíochta oscailte agus cothrom le dáta le Comhairle Cathrach na Gaillimhe bheith ag gach duine a chuireann isteach ar ÍCT i gCathair na Gaillimhe.
Maidir le daoine a fhaigheann forlíonadh cíosa faoi láthair agus atá i dteideal tacaíocht tithíochta sóisialta a fháil, aistreofar iad ó fhorlíonadh cíosa go dtí ÍCT ar bhonn céimnithe.
Cliceáil anseo chun eolas a fháil maidir le cur isteach ar thithíocht comhairle áitiúla.
Cén chaoi a n-oibríonn sé?
Má tá tú incháilithe mar iarratasóir faofa tithíochta, ní mór duit teacht ar do chóiríocht phríobháideach féin ar cíos taobh istigh de theorainneacha sonracha cíosa. Íocfaidh an tÚdarás Áitiúil an tiarna talún go díreach agus íocfaidh an tionónta cíos leis an Údarás Áitiúil bunaithe ar an scéim cíosanna difreálacha. Beidh an cíos bunaithe ar d'ioncam teaghlaigh seachtainiúil agus oibríonn sé ar an gcaoi chéanna leis na cíosanna difreálacha a ghearrtar le haghaidh tithe údaráis áitiúil.
Féach ar na doiciméid cheangailte (féach thíos) do thionóntaí agus tiarnaí talún chun eolas níos mionsonraithe a fháil.
Doiciméid
ÍCT: Bileog Eolais (leagan 3 - Feabhra 2016)
HAP: Tenant Information Booklet, Béarla (leagan 3 - Feabhra 2016)
ÍCT: Leabhrán Eolais do Thionóntaí, Gaeilge (leagan 3 - Feabhra 2016)
HAP: Landlord Information Booklet, Béarla (leagan 3 - Feabhra 2016)
ÍCT: Leabhrán Eolais do Thiarnaí Talún, Gaeilge (leagan 3 - Feabhra 2016)
ÍCT: Teorainneacha Cíosa Míosúla do Chathair na Gaillimhe
Is féidir le hiarratasóirí ÍCT foirm iarratais a bhailiú i Halla na Cathrach nó ceann a iarraidh ar an nguthán nó ar an ríomhphost.
Téigh i dteagmháil leis an Aonad ÍCT
ar an nguthán ar 091 536 400 nó ar an ríomhphost ag housing@galwaycity.ie