Méadú ar achar an urláir i síneadh lena mbainfeadh díolmhú ó 40 go 45m cearnach agus méadú ar achar an urláir i bhfoirgneamh sa ghairdín cúil (mar shampla seid, stór, oifig ag baile nó giomnáisiam) ó 25 méadar cearnach go 30 méadar cearnach.
An Reachtaíocht maidir le Forbairt Dhíolmhaithe sna Rialacháin um Pleanáil agus Forbairt, 2001 arna leasú
Tá na cásanna díolmhaithe maidir le cúrsaí pleanála leagtha amach faoi láthair sna Rialacháin um Pleanáil agus Forbairt, 2001 arna leasú agus sna Rialacháin um Pleanáil agus Forbairt (Forbairt Dhíolmhaithe (Acht na bliana 2000)), 2026 a tháinig i bhfeidhm an 27 Iúil 2026.
Tá treoir phraiticiúil curtha le chéile ag Oifig an Rialálaí Pleanála maidir leis an gcineál oibre is féidir a dhéanamh timpeall an tí gan gá cead pleanála a iarraidh. Tá bileog na hOifige sin faoi Obair a dhéanamh Timpeall an Tí ar fáil anseo.
* Tugtar chun aire nach bhfuil athruithe a eascraíonn ón Acht um Pleanáil agus Forbairt, 2024 ná na Rialacháin um Pleanáil agus Forbairt, 2026 (le teacht) tugtha san áireamh le hábhar na bileoige seo.
Cé go bhfuil forbairt dhíolmhaithe de chineálacha áirithe is féidir a chur i gcrích gan dul i gcomhairle leis an údarás áitiúil, tá cineálacha sonraithe ar gá fógra foirmeálta a thabhairt ina leith roimh ré. I gcás aon fhorbairt a dhéantar maidir le hAicme 1A (foroinnt) nó le hAicme 3A (Teaghais Chúnta Scoite), beidh gá fógra a thabhairt don Údarás Pleanála ar a laghad 14 lá sula mbeadh an fhorbairt le tarlú. Tá dlite ar na hÚdaráis Áitiúla tuairisc a thabhairt don Aire Tithíochta, Rialtais Áitiúil agus Oidhreachta maidir le forbairt den sórt sin.
Más mian leat an t-údarás áitiúil a chur ar an eolas faoi do chuid forbartha, cliceáil anseo
Tá na Rialacháin um Pleanáil agus Forbairt, 2001 arna leasú le feiceáil (i mBéarla) i Leabhar Reachtanna na hÉireann ach cliceáil anseo
Leagtar amach forálacha na reachtaíochta de réir mar a bhaineann le hábhar amach faoi na ceannteidil thíos
Reachtaíocht
Na Rialacháin um Pleanáil agus Forbairt (Forbairt Dhíolmhaithe (Acht na bliana 2000)), 2026 (I.R. 338 de 2026)
Na Rialacháin um Pleanáil agus Forbairt (Forbairt Dhíolmhaithe (Acht na bliana 2000)) (Uimh. 2), 2026 (I.R. 339 de 2026)
Foráiltear do dhíolmhú maidir le foroinnt ar an bpríomhtheaghais d’fhonn suas le 1 aonad glanscartha breise a chruthú laistigh den réimse foirgníochta reatha, agus achar urláir ar a laghad 32 méadar cearnach i ngach aonad foroinnte. Ní mór fógra a thabhairt don Údarás Pleanála ar a laghad 14 lá sula mbeadh an fhorbairt le tarlú.
Na Rialacháin um Pleanáil agus Forbairt (Forbairt Dhíolmhaithe (Acht na bliana 2000)) (Uimh. 3), 2026 (I.R. 340 de 2026)
Foráiltear do dhíolmhú maidir le teaghais chúnta scoite, ceangailte leis na seirbhísí sa phríomhtheach, ar chúl an phríomhthí a fhéadann a bheith idir 32 méadar cearnach agus 45 méadar cearnach ó thaobh achair. Ní mór fógra a thabhairt don Údarás Pleanála ar a laghad 14 lá sula mbeadh an fhorbairt le tarlú.
Na Rialacháin um Pleanáil agus Forbairt (Forbairt Dhíolmhaithe (Acht na bliana 2000)) (Uimh. 4), 2026 (I.R. 341 de 2026)
Foráiltear do dhíolmhú maidir le stór do rothair nó do ghabhdáin bruscair chun tosaigh nó ar chúl na maoine le dóthain spáis do 3-4 rothar do dhuine fásta, 2 rothar iompair nó 3 araid rothaí.
Foráiltear do dhíolmhú maidir le hinsliú ar bhallaí seachtracha na teaghaise, i gcomhréir lena mbaineann leis an deontas a chuireann Údarás Fuinnimh Inmharthana na hÉireann ar fáil.
Na Rialacháin um Pleanáil agus Forbairt (Forbairt Dhíolmhaithe (Acht na bliana 2000)) (Uimh. 5), 2026 (I.R. 342 de 2026)
Foráiltear do leathnú maidir leis an díolmhú i ndáil le caidéal teasa ionas nach gá feasta gur ar chúl na maoine a bheadh.
Na Rialacháin um Pleanáil agus Forbairt (Forbairt Dhíolmhaithe (Acht na bliana 2000)) (Uimh. 6), 2026 (I.R. 343 de 2026)
Foráiltear do dhíolmhú maidir le simléir a bhaint.
Na Rialacháin um Pleanáil agus Forbairt (Forbairt Dhíolmhaithe (Acht na bliana 2000)) (Uimh. 7), 2026 (I.R. 344 de 2026)
Na Rialacháin um Pleanáil agus Forbairt (Forbairt Dhíolmhaithe (Acht na bliana 2000)) (Uimh. 7), 2026 (I.R. 344 de 2026) )
Foráiltear do dhíolmhú maidir le boscaí dín dormánta a chur i ndíon na príomhteaghaise agus le fuinneoga dín a chur leis.
Má tá an mhaoin i Limistéar Caomhantais Ailtireachta nó i Limistéar lena mbaineann Ordú um Limistéar Taitneamhachta Speisialta nó más déanmhas cosanta/liostaithe an mhaoin, níl feidhm le díolmhú de na cineálacha seo.
I ngach cás faoi leith, beidh feidhm leis na Rialacháin Foirgníochta, na Rialacháin um Rialú Foirgníochta agus na Rialacháin Dóiteáin uilig a bhaineann le hábhar, lena n-áirítear an chuid a bhaineann le teaghaisí ináitrithe.