Forbairt Dhíolmhaithe

Is ionann forbairt dhíolmhaithe agus forbairt de chineál ar bith nach dteastaíonn cead pleanála foirmeálta ina leith.  Leagtar amach aicmí éagsúla maidir le forbairt dhíolmhaithe i ndlí na pleanála agus is iondúil gur forbairt ar scála beag a thugtar san áireamh, mar shampla síneadh beag le foirgneamh, feabhsú beag ar chóras fuinnimh in áras cónaithe nó seid sa ghairdín. Is iondúil teorainneacha áirithe i bhfeidhm, maidir le hachar nó airde mar shampla. Sa chás go dtéitear thar aon teorainn acu sin leis an bhforbairt, ní féidir a mheas gur forbairt dhíolmhaithe atá i gceist níos mó.  Bíonn díolmhú i gceist freisin maidir le hathchóiriú ar árais tráchtála áirithe atá folamh. I gcásanna áirithe, beidh gá fógra a thabhairt go foirmeálta don údarás áitiúil ar a laghad 14 lá sula mbeadh tús le cur leis an bhforbairt.

Is féidir Reachtaíocht na Pleanála maidir le Forbairt Dhíolmhaithe a fheiceáil anseo:

Is féidir na cásanna díolmhaithe maidir le haonad tráchtála atá folamh a athchóiriú mar aonaid cónaithe a fheiceáil anseo

Más mian leat dearbhú foirmeálta a fháil ón Údarás Pleanála go bhfuil oibreacha a dhéantar díolmhaithe ó chead pleanála, is féidir leat deimhniú oifigiúil ina leith sin a iarraidh.  Dearbhú faoi Alt 5 a thugtar ar a leithéid sin. Tá mioneolas breise ar fáil anseo.