Deontas um Chóiriú Tithíochta do Dhaoine faoi Mhíchumas
Tá an Deontas um Chóiriú Tithíochta do Dhaoine faoi Mhíchumas ar fáil le cabhrú chun oibreacha a dhéanamh atá riachtanach go réasúnach chun críocha teach a dhéanamh níos oiriúnaí do chóiríocht duine faoi mhíchumas a bhfuil lagú fisiciúil, céadfach, meabhairshláinte nó intleachtach fadtéarmach ag gabháil dóibh.
Áirítear leis na cineálacha oibreacha a cheadaítear faoin scéim soláthar rampaí rochtana, áiseanna leithris thíos staighre, cathaoireacha staighre, ceathanna inrochtana, cóirithe chun rochtain cathaoir rothaí a éascú, síneadh, agus aon oibreacha eile atá riachtanach go réasúnach chun críocha teach a dhéanamh níos oiriúnaí do chóiríocht duine faoi mhíchumas.
Caithfear Tuairisc ó Theiripeoir Saothair (OT) a chur isteach le d'iarratas ar aon cheann de na hoibreacha seo a leanas:
- Athrú mór le húsáid seomra i do theach;
- Cathaoir staighre;
- Síneadh.
Féadfaidh an Chomhairle Tuairisc OT a iarradh ar oibreacha eile má mheastar sin a bheith riachtanach tar éis iniúchadh tosaigh.
Tá níos mó faisnéise ar fáil ar an deontas seo tríd an fhoirm iarratais thíos a íoslódáil.