Forbhreathnú
Deontas Oiriúnaithe Tithíochta do Dhaoine faoi Mhíchumas
Is deontas é an Deontas um Oiriúnú Tithíochta do Dhaoine faoi Mhíchumas do dhaoine faoi mhíchumas coirp, céadfach, meabhairshláinte nó intleachta. Cuireann sé maoiniú ar fáil ionas gur féidir leat feabhas a chur ar an mbealach a théann tú isteach i do theach agus a bhogann tú timpeall air.
Deontas Cúnaimh Tithíochta do Dhaoine Scothaosta
Is le haghaidh deisiúcháin riachtanacha atá an Deontas Cúnaimh Tithíochta do Dhaoine Scothaosta chun riocht tí daoine scothaosta a fheabhsú ionas gur féidir leo leanúint ar aghaidh ag cur fúthu ann. Tá sé dírithe ar dhaoine atá 66 bliana d’aois agus níos sine, a bhfuil cónaí orthu i ndrochchoinníollacha tithíochta. I gcásanna cruatain dáiríre, áfach, féadfaidh an t-údarás áitiúil cabhrú le daoine faoi 66 bliana d’aois.
Má tá míchumas ort agus gur gá do theach a oiriúnú chun é a dhéanamh níos inrochtana, d’fhéadfadh go mbeadh an Deontas Oiriúnaithe Tithíochta do Dhaoine faoi Mhíchumas nó an Scéim Deontais Áiseanna Soghluaisteachta níos oiriúnaí duit. Is iad na húdaráis áitiúla a riarann na deontais seo go léir.
Scéim Deontais Áiseanna Soghluaisteachta
Cabhraíonn Scéim Deontais na nÁiseanna Soghluaisteachta leat íoc as obair bhunúsach chun dul i ngleic le saincheisteanna soghluaisteachta atá agat sa bhaile. Mar shampla, má tá deacracht agat dul isteach sa bhfolcadán nó sa chith, d’fhéadfadh an deontas an costas a bhaineann le cithfholcadh inrochtana a shuiteáil a chlúdach.
Tá an scéim do dhaoine scothaosta agus do dhaoine faoi mhíchumas.
Tuilleadh eolais
Is féidir tuilleadh faisnéise a fháil ar www.citizensinformation.ie