Seirbhísí

Is cáipéis dhlíthiúil é Plean Ceantair Áitiúil agus ráiteas poiblí ina dtugtar beartais pleanála níos mionsonraithe, seachas an Plean Forbartha Cathrach, le haghaidh ceantar sa chathair a bhfuiltear ag súil go dtiocfaidh forbairt agus athrú mór orthu amach anseo.

Chun iarratas a dhéanamh ar chead pleanála ní mór duit foirm iarratais ar chead pleanála a chomhlánú agus í a chur isteach, in éineacht leis na cáipéisí riachtanacha agus leis an táille iomchuí, chuig an rannóg pleanála den údarás pleanála lena mbaineann d’iarratas.

Is í Comhairle Cathrach na Gaillimhe Údarás Rialaithe Foirgníochta Chathair na Gaillimhe. Níor cheart Rialú Foirgníochta a mheascadh le Rialú Pleanála ina bhforfheidhmítear Coinníollacha Pleanála le haghaidh Forbartha.

Agus é suite feadh Chuan na Gaillimhe, tá Bóthar na Trá tagtha chun cinn mar mhol don tsláinte agus don fholláine.

Ba iad Allies and Morrison Urban Practitioners, Dermot Foley Landscape Architects agus TOBIN Engineering a chuir Straitéis Ríochta Poiblí na Gaillimhe i dtoll a chéile i gcomhar le foireann na Comhairle ar an straitéis stiúrtha, straitéis a choimisiúnaigh Comhairle Cathrach na Gaillimhe.

Rinneadh ceann scríbe de Shráidbhaile agus de Chladach Bhóthar na Trá do chónaitheoirí cathrach, do thurasóirí lae agus do lucht saoire i lár an 19ú haois nuair a tógadh an phromanáid; tráth ar thosaigh muintir na háite agus cuairteoirí araon ag dul ann chun taitneamh a bhaint as an gcladach agus as an aer úr. Sna blianta ina dhiaidh sin, rinneadh limistéar snámha tábhachtach den áit nuair a tógadh an túr tumadóireachta, na linnte taoide (nach bhfuil in úsáid a thuilleadh) agus scáthláin trá. Ó na 1950idí ar aghaidh, tháinig forbairt ar an gceantar le tógáil tithíochta, óstán agus saoráidí do thurasóirí.