-
Céard iad na Deontais d’Fhéilte Pobail Áitiúil?
Tacaíonn Comhairle Cathrach na Gaillimhe le Féilte Pobail i gceantair áitiúla chun rannpháirtíocht i saol an phobail a spreagadh.
Tacaíonn an Chomhairle le féilte ina léirítear rannpháirtíocht a bpobail áitiúil agus atá á n-eagrú agus á reáchtáil ag muintir na háite.
D’fhéadfadh spriocdháta an iarratais athrú ó bhliain go bliain. Lorgaítear iarratais i mí na Bealtaine de ghnáth agus deimhnítear cinntí maidir le hiarratais rathúla go luath i mí an Mheithimh.
Ní bhronnfar deontais ar imeachtaí ócáideacha nó “aonuaire” ar nós taibhithe ceoil, comóradh laethanta náisiúnta nó laethanta spóirt.
-
Cén chaoi a ndéanfaidh mé iarratas?
Iarrtar ar iarratasóirí oiriúnacha foirm iarratais a chomhlánú.
Cuirfear fógra poiblí sa nuachtán áitiúil ag lorg iarratas ar na Deontais d’Fhéilte Pobail Áitiúil. Beidh na foirmeacha iarratais ar fáil ansin ó oifig Chomhairle Cathrach na Gaillimhe agus is féidir iad a íoslódáil órannóg na bhFoirmeacha Iarratais ar shuíomh gréasáin Chomhairle Cathrach na Gaillimhe.
Bí cinnte go seolann tú an fhoirm iarratais ar ais faoin spriocdháta de bhrí nach nglacfar le foirmeacha a gheofar tar éis an dáta sin.
-
Cén fhaisnéis a chaithfidh mé a sheoladh le m’fhoirm iarratais?
Braitheann sé sin ar an gcineál féile atá á eagrú agat.
Go hiondúil, teastaíonn fianaise ar Árachas Dliteanais Phoiblí mar aon le sonraí buiséid an imeachta.
-
Cén spriocdháta atá i gceist?
D’fhéadfadh spriocdháta an iarratais athrú ó bhliain go bliain. Lorgaítear iarratais i mí na Bealtaine de ghnáth agus déantar cinntí maidir le hiarratais rathúla go luath i mí an Mheithimh.
-
An gcaithfidh mé aon rud a dhéanamh tar éis an imeachta?
Ba cheart tuairisc ghairid i scríbhinn faoin imeacht a chur ar aghaidh chuig an Rannóg Pobail agus Cultúir ionas go mbeidh cóip acu. Ba cheart go mbeadh achoimre sa tuairisc seo ar na gníomhaíochtaí a bhí ar siúl agus meastachán ar líon na ndaoine a d’fhreastail ar an bhféile.
Deontais d’Fhéilte Pobail
Tacaíonn Comhairle Cathrach na Gaillimhe le Féilte Pobail i gceantair áitiúla chun rannpháirtíocht i saol an phobail a spreagadh.