Suite idir an tAigéan Atlantach fiáin agus Cathair na Gaillimhe, tá meascán de gach rud le fáil i mBóthar na Trá; idir shiopaí beaga neamhspleácha agus ghníomhaíochtaí turasóireachta, mar aon le radhairc iontacha amach ar Chuan na Gaillimhe, ar Chnoic an Chláir agus ar Oileáin Árann ag bun na spéire trasna na farraige fiáine. Tá atmaisféar sráidbhaile neamhspleách cois farraige le brath ann a bhfuil pearsantacht, tírdhreach agus carachtar ar leith ag baint leis. Tá éagsúlacht ag baint leis na foirgnimh san áit agus raon aoise agus cineálacha éagsúla le feiceáil ann. Tá carachtar agus tarraingteacht ar leith ag baint leo ar fad. Ba chóir d'fhoirgnimh nua agus d'fhoirgnimh atá ann cheana féin cur leis an gcarachtar speisialta seo, agus cuidiú le pointí agus scéalta stairiúla Bhóthar na Trá a fheabhsú agus a cheiliúradh. Tá sé tábhachtach carachtar agus féiniúlacht fhoriomlán Bhóthar na Trá a chosaint agus a fheabhsú. D'fhéadfaí leas a bhaint as roinnt scéimeanna chuige seo, amhail iad siúd a thacaíonn le haghaidheanna siopaí a fheabhsú.
Beidh an t-aer goirt farraige, fuacht an gheimhridh, agus tuilte i measc na bpríomhábhar a ndéanfar breithniú orthu mar chuid den dearadh praiticiúil. Tá inbhuanaitheacht chomhshaoil fite fuaite leis seo chomh maith.