An Scéim
Is é aidhm an togra seo rotharbhealach sábháilte agus tarraingteach a sholáthar feadh Bhóthar an Bhaile Bháin agus Bóthar Pháirc an Chaisleáin, agus áiseanna do choisithe á gcur ar fáil freisin.
I ndeireadh na dála, nuair a sheachadtar na bealaí, feabhsóidh siad sábháilteacht, laghdóidh siad luasanna feithiclí, agus cuirfidh siad le líon méadaithe turas ag coisithe agus rothaithe sa cheantar.
Cuirfear tús le hoibreacha gan mhoill. Déanfar an leathanach gréasáin seo a nuashonrú chun nuashonruithe ar an scéim seo a léiriú de réir mar a dhéatar dul chun cinn maidir léi.
Beidh na nithe seo a leanas san fhorbairt:
- Raon rothar cosanta 2m agus cosán 2m a sholáthar ar an dá thaobh de Bhóthar an Bhaile Bháin agus Bhóthar Pháirc an Chaisleáin, ag laghdú in áiteanna ina bhfuil srianta.
- Laghdú ar leithead carrbhealaí bóithre (lánaí 3m ar leithead de ghnáth).
- Athailíniú acomhail agus tabhairt isteach trasrianta ardaithe ar gach taobh-bhóithre chun tús áite a thabhairt do ghluaiseachtaí coisithe.
- Lána rothar díreach tríd/trasrianta ar gach acomhal taobh-bhóithre chun tús áite a thabhairt do ghluaiseachtaí rothaithe.
- Trasrianta le comharthaí a sholáthar do choisithe agus rothaithe.
- Uasghrádú ar acomhal R865 Bhóthar an Bhaile Bháin / L5029 Bhóthar Pháirc an Chaisleáin agus L5029 Bóthar Pháirc an Chaisleáin / Bóthar Mhuine Mheá go hacomhail le comharthaí le soláthar do choisithe agus rothaithe.
- Pointí trasnaithe coisithe agus comhroinnte a thabhairt isteach ag roinnt áiteanna.
- Tírdhreachú a sholáthar feadh na mbealaí.
***
Fógra
Cuirfear tús le hoibreacha bóthair ar Bhóthar Pháirc an Chaisleáin Dé Luain an 3 Márta, mar chuid de Scéim Líonra Rothaíochta Bhóthar an Bhaile Bháin agus Bhóthar Pháirc an Chaisleáin.
Cuirfear tús leis na hoibreacha ar Bhóthar Pháirc an Chaisleáin óna acomhal le Bóthar an Bhaile Bháin agus leanfar leis an obair ansin i dtreo Bhóthar Mhuine Mheá.
Táthar ag leanúint leis an obair ar Bhóthar an Bhaile Bháin (a thosaigh ar an 17 Feabhra). Beidh na hoibreacha gar don acomhal le Bóthar na dTreabh.
De réir mar a bheidh an tionscadal ag leanúint ar aghaidh, beidh dhá láthair oibre ann le criú amháin ag obair ar Bhóthar an Bhaile Bháin agus criú eile ag obair ar Bhóthar Pháirc an Chaisleáin.
Beidh bearta bainistithe tráchta i bhfeidhm agus beidh roinnt moilleanna i gceist. Coinneofar an trácht ag imeacht sa dá bhealach le linn buaicthráthanna tráchta ar an dá bhóthar.
Bileog Eolais ón gConraitheoir - Márta 2025
Scéim Ghréasán Rothaíochta Bhóthar an Bhaile Bháin agus Bhóthar Pháirc an Chaisleáin - Ghrafaicí
Tá an suíomh suite mar seo a leanas:
- Bóthar an Bhaile Bháin R865, óna acomhal le R339 Bóthar Mhuine Mheá go pointe timpeall 130m lastuaidh de Thimpeallán na Scairéadach (R338 Bóthar Bhaile Átha Cliath).
- L5029 Bóthar Pháirc an Chaisleáin, óna acomhal le R865 Bóthar an Bhaile Bháin go dtí a acomhal le R339 Bóthar Mhuine Mheá