An Scéim
Sí ardchuspóir Scéim Líonra Rothaíochta Bhóthar Stiofáin ná cuid de líonra coisithe agus rothaíochta a chur ar fáil ar an taobh thiar den chathair a ligfidh bealach taistil gníomhach atá sábháilte agus mealltach a dhéanamh, ag freastal ar gach úsáideoir lena n-áirítear comaitéirí, grúpaí fóillíochta agus grúpaí rothaíocht teaghlaigh.
Nuair a chríochnófar an bealach i ndeireadh na dála, feabhsóidh sé an tsábháilteacht, laghdóidh sé luas na bhfeithiclí, agus cuirfidh sé le líon méadaithe na dturas ag coisithe agus ag rothaithe sa cheantar.
Tá Scéim Líonra Rothaíochta Bhóthar Stiofáin 870m ar fhad, ag síneadh ón taobh dheas ag an acomhal le Dáilbhóthar an Iarthair go dtí an t-acomhal le Bóthar Ráthún ar an taobh thuaidh. Séard atá i gceist leis an scéim a bheartaítear ná trasghearradh 14m ar leithead a thógáil le raonta rardaithe rothar 2mar leithead in aice leis ar an dá thaobh den bhóthar agus beidh gá le roinnt talún a thógáil dá bharr ón taobh thoir den bhealach.
Cuirfear trasrianta séabra ardaithe leis ag eatraimh oiriúnacha chomh maith. Ceanglaíonn an bealach ceantair chónaithe le Páirc Mhiondíola Gateway, moil na fostaíochta, Gaelscoil Mhic Amhlaigh agus CP Galway Bohemians. Cuireann an bealach nasc freisin ar fáil le Dáilbhóthar an Iarthair, áit a bhfuil ionaid mhóir na fostaíochta, an oideachais agus an mhiondíola inti.
Mar chuid de phróiseas iarratais pleanála Chuid 8, reáchtáladh comhairliúchán poiblí maidir leis an tionscadal seo go luath in 2024. Tá an comhairliúchán seo dúnta anois.
Cheadaigh comhaltaí tofa Chomhairle Cathrach na Gaillimhe Scéim Líonra Rothaíochta Bhóthar Stiofáin i mí na Bealtaine 2024.
Tá an tionscadal seo ag dul ar aghaidh anois trí dhearadh mionsonraithe. Foilseofar nuashonruithe breise ar an leathanach seo de réir mar a théann sé chun cinn.
