BusConnects
Is é is BusConnects ann ná an clár atá á reáchtáil ag an Údarás Náisiúnta Iompair chun feabhas mór a chur ar sheirbhísí bus. Is idirghabháil straitéiseach náisiúnta é an Clár BusConnects atá dírithe ar iompar inbhuanaithe a fheabhsú ar fud cúig réigiún in Éirinn – Gaillimh, Baile Átha Cliath, Corcaigh, Luimneach agus Port Láirge.
Is é fís an Chláir BusConnects ná daoine agus áiteanna a nascadh trí chóras feabhsaithe bus mar aon le háiseanna feabhsaithe do choisithe agus do rothaithe. Is cuid thábhachtach é BusConnects de bheartais an Rialtais um fheabhas a chur ar iompar poiblí agus aghaidh a thabhairt ar an athrú aeráide i mór-ionaid uirbeacha na hÉireann. Is clár é BusConnects agus déanann an tÚdarás Náisiúnta Iompair (an tÚdarás) é a fhorbairt agus a bhainistiú, agus maoiníonn Tionscadal Éireann 2040 é.
Tabharfaidh an leathanach seo nuashonruithe ar thionscadail BusConnects atá á stiúradh ag Comhairle Cathrach na Gaillimhe.
BusConnects na Gaillimhe: Nasc Traschathrach
BusConnects na Gaillimhe: Bóthar Bhaile Átha Cliath
Eolas Breise foai BusConnects ó Údarás Náisiúnta Iompair
Fís agus Cuspóirí Straitéiseacha an Chláir BusConnects
Treisíonn scála agus féidearthacht chlaochlaitheach an Chláir BusConnects a ról lárnach maidir le tionchar a imirt ar phlean oibre chóras iompair na hÉireann amach anseo. Comhlíontar leis gealltanais laistigh den Phlean Forbartha Náisiúnta 2021-2030, den Straitéis Iompair do Mhórcheantar Bhaile Átha Cliath 2022-2042, den Phlean Gníomhaíochta Aeráide 2023 agus den Chreat Pleanála Náisiúnta 2040.
Tá Clár BusConnects Bhaile Átha Cliath ar an gceann is mó chun cinn de na Cláir BusConnects ar fud na tíre. Éilíonn go leor de na buntáistí a bhaineann le BusConnects Baile Átha Cliath a aithníodh sa Cás Gnó Tosaigh gach tionscadal a chur i bhfeidhm sular féidir na tairbhí a bhaint amach go hiomlán. Mar shampla, le cur chun feidhme an 12 scéim Conaire Bus Lárnaigh, cuirfear go mór le hiontaofacht agus poncúlacht na seirbhísí bus feadh na gconairí sin de réir mar a bhainfidh siad busanna ó phlódú tráchta trí lánaí bus nó socruithe tosaíochta eile a sholáthar. Déanfar réadú shochair an Chláir a rianú de réir mar a chuirtear gach tionscadal i bhfeidhm chun a chinntiú go mbeidh muinín ann gur féidir agus go mbainfear amach gach tairbhe ar chríochnú an Chláir.
Gabhann naoi dtionscnamh le BusConnects:
- An líonra bus a athdhearadh
- Conairí bus agus lánaí rothar nua a thógáil
- Córas ticéadaithe úrscothach a chur chun feidhme
- Córas íocaíochta gan airgead tirim a chur chun feidhme
- Córas Struchtúr táillí níos simplí
- Libhré nua bus
- Stadanna agus scáthláin nua bus
- Láithreacha nua Páirceála agus Taistil ag príomhláithreacha
- Aistriú chuig flít nua busanna astaíochtaí nialasacha