Cuspóir Scéim Deontais CAIRDE
Mar chuid dár dtiomantas do thacaíocht a thabhairt do na pobail, don fhorbairt áitiúil agus don athbheochan, bhunaigh Comhairle Cathrach na Gaillimhe an Scéim Deontais don Ghníomhaíocht Pobail, Cuimsiú, Athnuachan, Forbairt agus Comhshaoil (CAIRDE). Cuireann an Scéim seo tacaíocht airgeadais ar fáil do ghrúpaí pobail, spóirt agus deonacha, d’fhiontair shóisialta agus do chumainn ghnó le haghaidh tionscadail agus tionscnaimh a chuideodh lena bpobail dul chun cinn a dhéanamh agus atá in ann feabhas a chur ar an gcaighdeán saoil ina gceantair féin.
Tagann an maoiniú atá ar fáil ó Bhuiséad Bliantúil Chomhairle Cathrach na Gaillimhe le haghaidh 2025, a bhfuil glactha ag na Comhaltaí Tofa leis. Tá sé ar fáil le tacaíocht a thabhairt do ghrúpaí a dteastódh uathu tabhairt faoi thionscadail ar leith faoi na catagóirí/sruthanna ábhartha a bhaineann leis an Scéim. Cuideoidh an Scéim freisin le hobair athbheochana agus feabhsúcháin go háitiúil agus i gcásanna teoranta, féadfaidh Comhairle Cathrach na Gaillimhe tionscadail a chur i bhfeidhm go díreach, nuair a fheileann.
Cé atá in ann cur isteach air?
Féadfaidh aon ghrúpa pobail, deonach, spóirt, fiontar sóisialta nó cumann gnó atá ag feidhmiú i gCathair na Gaillimhe iarratas a dhéanamh. Níl aon eagraíochtaí san earnáil phoiblí ná eagraíochtaí tráchtála a dhéanann brabús cáilithe chun iarratas a dhéanamh. Moltar do ghrúpaí clárú le Líonra Rannpháirtíocht Pobail Chathair na Gaillimhe (PPN), is é sin an Líonra Pobail do Chathair na Gaillimhe (GCCN) agus páirt ghníomhach a ghlacadh sa PPN. Moltar d'iarratasóirí dul i dteagmháil leis an gComhairle lena chinntiú go bhfuil na tionascdail tá beartaithe ag techt leis na cláir oibre agus na beartais.
Scéimeanna Deontais Tacaíochta 2025
Tá na tacaíochtaí deontais seo a leanas san áireamh i Scéim Deontais CAIRDE 2025:
Scéim Tacaíochta do Ghníomhaíocht Phobail (íosmhéid an Deotais €1,000 - Uasmhéid €25,000)
Tá an sruth maoinithe Gníomhaíocht Phobail deartha chun tacú le tionscadail agus le tionscnaimh a fheabhsaíonn folláine shóisialta, chultúrtha agus fhisiciúil na bpobal áitiúil. Tá sé mar aidhm ag an maoiniú seo cumhacht a thabhairt do chónaitheoirí agus d'eagraíochtaí áitiúla gníomhú ar na fadhbanna is tábhachtaí dóibh féin, chun go mbraithfidh daoine ar a suaimhneas san áit agus go nglacfar leis go bhfuil freagracht ar gach duine.
D'fhéadfadh go mbeadh na tionscnaimh a leanas san áireamh - tionscadail forbartha pobail a chuidíonn leis an rannpháirtíocht go háitiúil agus leis an bhforbairt ar acmhainneacht nó a fheabhsaíonn áiseanna pobail, ach níl sé teoranta dóibh seo amháin.
Scéim Tacaíochta don Ionchuimsitheacht (íosmhéid an Deotais €5,000 - Uasmhéid €50,000)
Tá an sruth maoinithe don Ionchuimsiú leagtha amach chun tacú le tionscadail a chuireann comhionannas, inrochtaineacht agus ionchuimsiú sóisialta chun cinn do gach ball den phobal, go háirithe iad siúd a bhféadfadh go mbeadh bac orthu a bheith lánpháirteach sa tsochaí. Tá sé mar aidhm ag an sruth seo tionscnaimh a mhaoiniú a chuireann timpeallacht níos cuimsithí ar fáil do ghrúpaí atá imeallaithe nó atá faoi ghannionadaíocht, lena chinntiú go dtugtar an deis chéanna do gach duine páirt a ghlacadh i saol an phobail.
I measc na dtionscadal a d'fhéadfaí a mheas le haghaidh maoinithe, cé nach bhfuil sé teoranta dóibh sin, tá tionscnaimh atá aoisbháúil, tionscnaimh a chuireann an Ghaeilge agus mionteangacha chun cinn, tionscadail agus cláir chultúrtha nó tacaíochtaí a chuirfeadh feabhas ar ionrochtaineacht do dhaoine faoi mhíchumas.
Scéim Tacaíochta don Athnuachan (íosmhéid an Deotais €5,000 - Uasmhéid €25,000)
Tá an sruth maoinithe don Athnuachan dírithe ar thacaíocht a thabhairt do thionscadail a chuidíonn leis an athbheochan agus leis an bhforbairt inbhuanaithe i gceantair faoi mhíbhuntáiste laistigh de Chathair na Gaillimhe. Is é an sprioc ná feabhas a chur ar an bhfolláine fhisiciúil, eacnamaíoch agus shóisialta sna bpobal sin a mbíonn orthu dul i ngleic le dúshláin ar nós bochtaineacht shocheacnamaíoch, easpa bonneagair, nó gan mórán rochtana a bheith acu ar sheirbhísí ríthábhachtacha.
Ar na tionscnaimh a d’fhéadfadh a bheith incháilithe tá tionscadail athnuachana uirbeacha, tionscadail a chuirfeadh feabhas agus slacht ar spásanna poiblí an cheantair, a chruthódh moil phobail agus a dhéanfadh forbairt ar áiseanna i gceantair faoi mhíbhuntáiste, ach níl sé teoranta dóibh sin amháin.
Scéim Tacaíochta don Fhorbait (íosmhéid an Deotais €5,000 - Uasmhéid €50,000)
Tacóidh an sruth maoinithe don Fhorbairt le tionscadail a chuidíonn leis an eacnamaíocht áitiúil fás, a chabhraíonn leis an bhforbairt ar bhonneagair agus a chuireann feabhas ar áiseanna pobail agus spóirt. Féachann an sruth maoinithe seo le tionscnaimh a spreagadh a chuireann leis an bhforbairt fhadtéarmach ar Chathair na Gaillimhe trí áiseanna poiblí a fheabhsú, geilleagair áitiúla a threisiú, agus feabhas a chur ar an gcaighdeán saoil tríd is tríd do na cónaitheoirí.
D'fhéadfaí go mbeadh i measc na dtionscadal, uasghrádú ar áiseanna spóirt agus imeachtaí spóirt a reáchtáil, forbairt ar bhonneagair agus ar thacaíochtaí don turasóireachta agus don fhiontraíocht, agus spásanna poiblí nua nó limistéir áineasa nua a chruthú a rachadh chun tairbhe do mhuintir na háite agus do chuairteoirí araon.
Scéim Tacaíochta don Timpeallacht (íosmhéid an Deotais €5,000 - Uasmhéid €25,000)
Tá an sruth maoinithe don Chomhshaol deartha chun tacú le tionscadail a chuidíonn le timpeallacht nádúrtha Chathair na Gaillimhe a chosaint, a fheabhsú agus a bhainistiú go hinbhuanaitheach. Tá sé mar aidhm ag an sruth seo tionscnaimh a mhaoiniú a thugann aghaidh ar na dúshláin a bhaineann leis an gcomhshaol, a chuireann an gníomhú ar son na haeráide chun cinn, agus a chuidíonn le cur leis an bhfeasacht maidir leis an mbithéagsúlacht, an oidhreacht, agus spásanna glasa agus reiligí na cathrach.
D'fhéadfadh go mbeadh i measc na dtionscadal incháilithe, tionscnaimh don ghníomhú ar son na haeráide a laghdaíonn astaíochtaí carbóin, tionscadail a chaomhnaíonn an bhithéagsúlachta agus an oidhreacht, agus tionscnaimh chun áiseanna taitneamhachtaí sa cheantar a chruthú nó a fheabhsú chun cur le hinbhuanaitheacht an chomhshaoil, ach níl sé teoranta dóibh seo.
An chaoi le hiarratas a dhéanamh
Caithfear iarratais ar mhaoiniú a dhéanamh trí chóras iarratais ar líne. Cliceáil anseo
Osclaíonn córas iarratais ar líne ó Dé Luain 31 Márta agus dúnann sé 17 Aibreán 2025 ag 4 pm.
Ní chuirfear iarratasóirí ar an eolas faoin toradh a bhí ar a n-iarratais ar dheontas go dtí Meitheamh 2025. Iarraimid ort le do thoil gan teagmháil a dhéanamh leis an rannóg seo go dtí go bhfaighidh tú fógra faoin toradh.
Tabhair faoi deara: Go gcaithfidh gach tionscadal a bheith críochnaithe faoi 31 Deireadh Fómhair 2025 agus an maoiniú ar fad a ceadaíodh a bheith éilithe faoi 28 Samhain 2025.
Le haghaidh tuilleadh faisnéise, féach le do thoil do na Treoirlínte Scéime a ghabhann leis seo: