Cothabháil Bóithre

Tuairiscigh Crainn nó Fálta Sceach Fiáine

Freagrachtaí Úinéirí Talún maidir le Tailte Príobháideacha:

Caithfidh úinéirí agus áititheoirí tailte feadh bóithre poiblí a chinntiú nach mbíonn fálta sceach ná crainn ina nguais ná ina mbac d’úsáideoirí bóthair. Éilítear in Alt 70 den Acht Bóithre, 1993 ar úinéirí talún agus ar áititheoirí talún freagracht a ghlacadh lena chinntiú nach bhfuil aon struchtúr, crann, fál sceach, tor ná aon fhásra eile ar a dtalamh ina chontúirt nó nach bhféadfadh sé bheith ina chontúirt do dhaoine a úsáideann nó a oibríonn ar bhóthar poiblí.

Cuireann Comhairle Cathrach na Gaillimhe fógra poiblí amach i mí Eanáir agus i mí Mheán Fómhair gach bliain, leis na freagrachtaí atá orthu i dtaobh tor a ghearradh a chur i gcuimhne d’úinéirí/áititheoirí talún. Ceadaíonn Alt 70 den Acht Bóithre, 1993 d’Údaráis Áitiúla Fógra um Ghearradh Tor a sheirbheáil orthu siúd nach gcomhlíonann an dualgas seo.

Freagrachtaí Chomhairle Cathrach na Gaillimhe:

Taobh amuigh den tréimhse neadaithe, tá Comhairle Cathrach na Gaillimhe freagrach as fálta sceach a chothabháil feadh bóithre poiblí má tá an talamh lena thaobh faighte acu. Bíonn na bóithre níos sábháilte dá bharr seo d’úsáideoirí bóthair agus laghdaíonn sé an bac amhairc a tharlaíonn ar bhóithre poiblí i rith na tréimhse fáis.

Má theastaíonn uait gearradh sceach a iarraidh ar bhóthar poiblí i rith na tréimhse cothabhála, ba cheart duit teagmháil a dhéanamh leis an rannán bóithre mar seo a leanas:

An Rannóg Bóithre agus Iompar (Cothabháil),
Comhairle Cathrach na Gaillimhe,
Bóthar an Choláiste,
Gaillimh, H91 X4K8.

Teileafón: 091 536400
Ríomhphost: roads@galwaycity.ie

Féadfaidh fálta sceach agus crainn atá fiáin feadh bóithre phoiblí nó cosán a bheith ina gcontúirt do dhaoine a úsáideann nó a oibríonn ar an mbóthar nó an cosán. Áirítear le samplaí de ghuaiseacha crainn mharbha nó atá ag fáil bháis, fálta sceach nó crainn a chuireann bac ar amharc ar an mbóthar, a bhlocálann comharthaí, cosáin nó soilse poiblí.

Faoi alt 40 den Acht Fiadhúlra, 1976, arna leasú le hAlt 46 den Acht Fiadhúlra (Leasú), 2000, tá cosc ar fhálta sceach a ghearradh nó a bhaint nó aon fhásra eile a scriosadh i rith an tséasúir neadaithe éan, ón 1 Márta go dtí an 31 Lúnasa gach bliain.

Áirítear le roinnt díolúintí maidir le gearradh fál sceach i rith na tréimhse neadaithe:

Comhlachtaí stáit a bhfuil oibreacha á ndéanamh acu ar chúiseanna sláinte nó sábháilteachta poiblí,

Glanadh fásra le linn oibreacha bóthair nó tógála nó i bhforbairt nó réiteach suíomhanna ar a bhfuil sé i gceist aon fhoirgneamh nó struchtúr eile a chur ar fáil,

Fásra atá ag fás ar fhál sceach a mhilleadh, i ngnáthchúrsa Foraoiseachta nó Talmhaíochta.

Barr...

Tuairiscigh balla/claí teorann damáistithe/contúirteach

Má thiteann do bhalla teorann ar limistéar poiblí e.g. cosán poiblí, ceantar glas poiblí, ba cheart duit é a chur in iúl don Rannóg Bóithre agus Iompar (Cothabháil):

An Rannóg Bóithre agus Iompar (Cothabháil),
Comhairle Cathrach na Gaillimhe,
Bóthar an Choláiste,
Gaillimh, H91 X4K8.

Teileafón: 091 536400
Ríomhphost: roads@galwaycity.ie

D’fhéadfadh balla tite a bheith ina ghuais don phobal, agus beidh foireann na rannóige bóithre in ann an ceantar a dhéanamh sábháilte agus intaistil. Tá an fhreagracht chun an balla teorann a dheisiú ar úinéir na maoine.

Barr...