Forbraíonn údaráis áitiúla cláir chun úsáid na dteicneolaíochtaí digiteacha a chur chun cinn chun seachadadh seirbhíse, beartas agus teagmháil le pobail a fheabhsú.
Féadfaidh údaráis áitiúla, i dteannta le comhpháirtithe Eorpacha eile, páirt a ghlacadh i gcláir ar athrú aeráide, ídiú fuinnimh, forbairt eacnamaíoch agus turasóireachta agus cáilíocht na beatha.
Tugadh an scéim seo isteach chun cuidiú le haonaid réadmhaoine atá folamh agus tréigthe a thabhairt ar ais in úsáid mar theaghais teaghlaigh agus aonaid chónaithe ar cíos.
Féadfaidh údaráis áitiúla deontais a sholáthar dóibh siúd a bhfuil a dteach féin acu chun greimráillí, cithfholcadáin rochtana comhréidh, rampaí rochtana agus ardaitheoirí staighre a cheannach agus a shuiteáil.
Féadfaidh údaráis áitiúla deontais a sholáthar do dhaoine scothaosta a bhfuil a dteach féin acu le haghaidh oibreacha deisiúcháin nó feabhsúcháin chun a dteach faoi úinéireacht phríobháideach a dhéanamh níos oiriúnaí dá gcuid riachtanas.
Soláthraíonn údaráis áitiúla faisnéis d’úsáideoirí seirbhíse atá cláraithe do sheirbhís rabhaidh saor in aisce trí nuashonruithe a eisiúint faoi sheirbhísí amhail oibreacha bóthair, iarratais phleanála, foláirimh dhrochaimsire agus thuile agus fógraí pobail tríd an tseirbhís teachtaireachtaí.
Déanann údaráis áitiúla láithreáin ghréasáin a fhorbairt agus a chothabháil chun faisnéis a sholáthar faoi sheirbhísí, struchtúir, bhainistíocht agus chomhaltaí tofa údaráis áitiúil.
Soláthraíonn údaráis áitiúla pointí ceangail leathanbhanda ag láithreacha ar leith chun seirbhísí leathanbhanda ar ardchaighdeán a sholáthar do phobail áitiúla.
Bailíonn údaráis áitiúla sonraí geografacha faoi sheirbhísí amhail iarratais phleanála, soláthairtí uisce, líonraí bóithre agus an timpeallacht lena roinnt trí léarscáileanna idirghníomhacha agus tacair shonraí.
Féadfaidh údaráis áitiúla tacú le hoibreoirí seirbhíse leathanbhanda cúnamh a sholáthar do bhaill an phobail chun cabhrú leo le saincheisteanna suiteála leathanbhanda agus chun seirbhísí malartacha a sholáthar go dtí go mbeidh leathanbhanda snáithín iomlán ar fáil.
